Trésnáðinn Atli litli, bráðum tíu ára

Sæmdarhjónin Elín Guðmundsdóttir, fjármálastjóri og listmálari, og Hjörtur Árnason, framkvæmdastjóri og tréskurðarmaður, viku í útgáfuteitinu litlum poka með stórri gjöf að bókarhöfundi .

Þannig er að framan á bókarkápunni er mynd af útskorinni fígúru eftir Hjört við hliðina á titlinum Trélistalíf. Kemur á daginn að fígúruna gerði hann árið 2015 og gaf bókarhöfundi hana í tilefni dagsins. Afskaplega fallega gert og hlýlega hugsað.

Á merkimiða pokans er skráð að fígúran heiti Atli og sé níu ára.

Trésnáðinn nafni minn fær virðingarsess í stofunni okkar í Fossvogi.

Bestu þakkir og kveðjur!